TWEEDOEZJENDNEGETEEN!

Jaor 2019 haet al lang ziene dreij gevonje

De winjter ging en de netuur die ontsjproot

Ongertösse regeerde oos sjpontaan Neelder Prinse

Ziggy bie de “kleine “, Robin bie “de Groot”

Het paradepaerd galoppeerde ,

Waat ’n evenement , Villaasj ech te gek

Keuningsfees Neel, alles oranje

Ouch de Meiboum kump weer op zien plek

Op 4 mei herdink Neel de “Gevallene”

Blome ligke bie ‘t Monument

Effe sjtilsjtaon, trompet leet zich heure

Ein menuut trök in de tied, ‘n sjtil moment

Ja!! en dan nog , de Neelder kirmes?

Of effe trök nao 1959 “ Neel nao Remunj”!

De sjtad waar vol, ze haje Neel neudig

Alles went mer toch blief ’t zunj

“Neel blief Neel” zolse altied blieve heure

Van ewigheid toet zaligheid

Waat t’r wiejer waal of neet moog gebeure

Haopelik blief de saamheurigheid!


Riet Bongaarts





Volg en like ons aub:

Geef een reactie